Թարգմանել է 6-4 դասարանը
Գեղեցի՞կ է Հյուսիսային Իռլանդիան: Իռլանդացիները խոսու՞մ են Իռլանդերեն: Եվ ի՞նչ է հատկապես գաելական ֆուտբոլը: Կարդա Հյուսիսային Իռլանդիայի մասին և պարզիր:
Հյուսիսային Իռլանդիան Միացյալ Թագավորության չորս երկրներից մեկն է Շոտլանդիայի, Ուելսի և Անգլիայի հետ միասին: Այն գտնվում է Իռլանդիայի հանրապետությունից հյուսիս` Մեծ Բրիտանիայի մոտ գտնվող մի կղզում: Շուրջ 1.8 միլիոն մարդ է ապրում Հյուսիսային Իռլանդիայում, որը Միացյալ Թագավորության բնակչության մոտավորապես երեք տոկոսն է: Մայրաքաղաքը Բելֆասթն է: Հյուսիսային Իռլանդիան ունի մեկ այլ անուն` «Օլսթեր» կամ «Վեց կոմսություններ», քանի որ այն կազմված է վեց ռեգիոններից կամ կոմսություններից: (Հատված Էլեն Բաբայանի թարգմանությունից)
Հյուսիսային Իռլանդիայում դուք կարող եք տեսնել գեղեցիկ լողափեր, անտառներ և սարեր: Կարող եք այցելել Giant’s Causeway (Հսկաների խճուղի), որը ՅՈՒՆԵՍԿՈ-յի համաշխարհային ժառանգության վայրերից մեկն է: Այստեղ հրաբխային ժայթքման արդյունքում մոտավորապես 40,000 սյուններ են գոյացել, և նրանցից մի քանիսը ունեն 12 մետր բարձրություն։ Ֆիլմերը և հեռուստասերիալները, օրինակ` «Չպատմված Դրաքուլան» և «Գահերի խաղը» նկարահանվել են Հյուսիսային Իռլանդիայում: (Հատված Արեն Կարապետյանի թարգմանությունից)
Հյուսիսային Իռլանդիան կոնֆլիկտի վայր էր այն մարդկանց միջև, ովքեր ցանկանում էին` Հյուսիսային Իռլանդիան միանար Իռլանդիայի Հանրապետությանը, ովքեր ցանկանում էին` Հյուսիսային Իռլանդիան միանար Միացյալ Թագավորությանը, և ովքեր ցանկանում էին` Հյուսիսային Իռլանդիան լիներ մի առանձին երկիր: 1990-ական թվականներին կարևոր խաղաղության գործընթացից հետո բռնությունները և կոնֆլիկտը դադարեցին: Հյուսիսային Իռլանդիայի օրենքները որոշում են Հյուսիսային Իռանդիայի և Միացյալ Թագավորության խորհրդարանները:
Լեզուն
Հյուսիսային Իռլիանդիայում գրեթե բոլորը խոսում են անգլերեն: Փոքր թվով մարդիկ խոսում են իռլանդական գաելերեն` հին կելտական լեզու, որը շատ է տարբերվում անգլերենից: Հյուսիսային Իռլիանդիայի մյուս ռեգիոնալ լեզուն օլսթեր շոտլանդերենն է, որը անգլերենի փոփոխված տարբերակներից է, և այն նման է Շոտլիանդիայում խոսվող Շոտլանդերենին: (Հատված Էլեն Բաբայանի թարգմանությունից)
Երաժշտությունը
Հյուսիսային Իռլանդիայում դուք կարող եք լսել բոլոր տեսակի երաժշտություններ, այդ թվում նաև` ավանդական իռլանդական երաժշտություն, ջազ, ռոք կամ էլ փոփ: Ամռանը, ԲելՖասթում անց են կացվում երաժշտական փառատոններ, ինչպիսիքն են ‘Belsonic’-ը և ‘Tennents Vital’-ը: Շատ միջազգային արտիստներ են ելույթ ունենում այս փառատոններում` ներառյալ Հյուսիսային Իռլանդիայի երգչախմբերը, օրինակ` ‘Snow Patrol’, ‘Ash’ and ‘Two door cinema club’: (Թարգմանել է Մարիա Սուքոյանը)
Սպորտը
Հյուսիսային Իռլանդիայում մեծ տարածում ունեն զբոսանքը և բացօթյա սպորտաձևերը, օրինակ` սարեր բարձրանալը, ‘coasteering’-ը (ժայռեր մագլցելը և ջրի մեջ ցատկելը), կամ ‘zorbing’-ը (հսկա գնդակի մեջ փակված բլուրից գլորվելը): Բոլորն էլ` ֆուտբոլը, կրիկետը, ռեգբին, գաելական ֆուտբոլը և hurling-ը` հոկեյի տեսակներից մեկը, հայտնի են Հյուսիսային Իռլանդիայում: Գաելական Ֆուտբոլը ռեգբիի նման խաղ է, որովհետև խաղացողները կարող են դիպչել և հրել գնդակը: Միջազգային մրցումների ժամանակ շատ սպորտաձևերում Հյուսիսային Իռլանդիան և Իռլանդիայի Հանրապետությունը նույն թիմով են հանդես գալիս: Այնուամենայնիվ ֆուտբոլը ուրիշ է, և Հյուսիսային Իռլանդիան իր սեփական ֆուտբոլի լիգան ունի: Հյուսիսային Իռլանդիայից որոշ խաղացողներ խաղում են շոտլանդական կամ անգլիական լիգաներում: (Հատված Էլեն Բաբայանի թարգմանությունից)
Ուտեստները
Հյուսիսային Իռլիանդիայի ամենահայտնի ճաշատեսակը ‘Ulster Fry’-ն է, որը պատրաստովում է խոզապուխտով, ձվով, նրբերշիկով և հացով: Այդ ճաշատեսակի որոշ տարբերակներ պատրաստվում են լոլիկով, սնկով կամ տապակած լոբիով: Այն կոչվում է ‘Ulster Fry’, որովհետև այդ ամենը տապակում են թավայի մեջ: Այն նաև ուտում են Իռլանդական կարտոֆիլի հացով: (Թարգմանել է Միլենա Մանուչարյանը)
Խորհրդանիշները
Սուրբ Պատրիկը Իռլանդիայի և Հյուսիսային Իռլանդիայի սուրբ հովանավորն է: Մարտի 17-ին Սուրբ Պատրիկի օրը շատ կարևոր տոնակատարություն է Հյուսիսային Իռլանդիայում և Իռլանդիայի Հանրապետությունում շքերթներով, համերգներով, երաժշտությունով և պարերով: Երեքնուկը, որը ունի երեք կանաչ տերև, Հյուսիսային Իռլանդիայի և Իռլանդիայի Հանրապետության խորհրդանիշն է: (Հատված Էլեն Բաբայանի թարգմանությունից)